Patricia Boedo: “Arteixo precisa melloras que sitúen ás persoas no centro das políticas públicas, poñer a mirada na xente”

Os socialistas de Arteixo veñen de presentar a súa candidatura completa nun acto no Centro Cívico no que participaron o deputado autonómico e secretario xeral de PSOE de Arteixo, Martín Seco, a subdelegada do Goberno na Coruña, María Rivas, e o alcalde de Culleredo, José Ramón Riobóo.

A candidata do PSdeG-PSOE de Arteixo, Patricia Boedo, presentou hoxe a candidatura completa do PSOE de Arteixo ás eleccións municipais co obxectivo de “gobernar para todos e todas nun Arteixo en convivencia como un dos eixos do seu programa”

O acto contou coa participación do deputado autonómico e secretario xeral de PSOE de Arteixo, Martín Seco, a subdelegada do Goberno na Coruña, María Rivas, e o alcalde de Culleredo, Jose Ramón Riobóo.

Martín Seco fixo un repaso de todas as carencias do goberno popular de Arteixo que “non está ni se lle espera” fronte á Xunta para loitar polos grandes proxectos e contra as deficiencias do servizos xestionados pola administración autonómica no concello e sinalaba que os grandes avances en Arteixo son froito “do gran investimento do goberno de España grazas aos fondos europeos e ás axudas da Deputación da Coruña”

Nesa liña tamén se manifestaba a subdelegada do Goberno, María Rivas, quen fixo unha enumeración de todos os proxectos que o goberno progresista liderado por Pedro Sánchez sacou adiante en Arteixo, pero ademais quixo sinalar a importancia de ter de novo unha candidata á alcaldía “para que as nenas teñan referentes a quen seguir”.

Ao fío do que xa comentara a subdelegada do goberno, o alcalde de Culleredo, Jose Ramón Riobóo, destacaba na súa intervención o número de candidatas e alcaldesas que ten a comarca para pedirlle a candidata socialista que sexa “a mellor alcaldesa que poida ter Arteixo na súa historia” e sinalaba a calidade do equipo elixido para conquistar a alcaldía.”O vas a conseguir, estou completamente seguro, e creo que vas facer un. Arteixo mellor como xa o fixeron outros alcaldes e alcaldesas socialistas” dixo Riobóo.

A continuación, a candidata socialista, Patricia Boedo presentou un a un aos veciños e veciñas das distintas parroquias que a acompañan na lista do PSdeG-PSOE de Arteixo coa intención de “asumir como nosos os problemas da veciñanza e facer das súas demandas unha prioridade, poñendo a nosa mirada na xente”, para pasar a resumir os eixos do programa electoral baseado na protección aos maiores, a educación e a infancia; a xuventude o deporte e a cultura; o emprego e o tecido económico, a convivencia e a protección social, así como o urbanismo e a mobilidade.

“Aquí é imposible non falar de algo que levamos anos pedindo e que é fonte inesgotable de problemas na ordenación no noso concello” arguentaba Patricia Boedo. “Nós si, iniciaremos a redacción dun plan xeral de ordenación municipal , responsable, sostible consensuado coa corporación local e a veciñanza, que nos permita ter novos espazos dotacionais, verdes e de vivenda”. E remataba sinalando que “estes son os eixos dun programa con máis de cen medidas concretas e realistas” para gobernar durante catro anos, “e non nos seis últimos meses de mandato”.

MINUTO DE SILENCIO NA HONRA DE ARSENIO IGLESIAS

A petición de secretario xeral dos socialistas arteixáns, Martín Seco, o acto comezaba cun minuto de silencio na honra de Arsenio Iglesias “un dos nosos que levou o nome de Arteixo por todo o mundo” que remataba con aplausos de todo o público que enchía o auditorio posto en pé. para o adestrador arteixán falecido este venres.

Tamén a candidata socialista comezaba o seu discurso cunha lembranza a Arsenio coma “un dos grandes” e afirmaba que “sen Arsenio, Arteixo é hoxe un pouco máis pequeño. Todo o noso agarimo dende aquí para a súa familia”.