Os socialistas de Arteixo denuncian o deterioro do firme na rúa das Viñas de Abaixo en Oseiro
O grupo municipal socialista presentará un rogo para instar ao concello a arranxar os problemas e evitar danos nos vehículos que circulan por esa vía.
O grupo municipal socialista ven de recoller as demandas dos veciños da rúa das Viñas de Abaixo en Oseiro que denuncian a mala situación na que se atopa o firme da rúa nalgúns do seus puntos.
Os socialistas explican que a veciñanza se queixa tamén de que o mal estado do firme está a causar danos nos fondos dos vehículos que circulan por esa vía e que o goberno local ten constancia da situación por unha comunicación transmitida hai tempo polos propios veciños e á que áinda non recibiron unha resposta para solucionalo.
Por esa razón o grupo municipal socialista presentará un rogo no pleno para que o goberno local proceda a arranxar con urxencia os problemas do firme “tendo en conta que o grupo de goberno ten constancia da situación por unha comunicación transmitida hai tempo polos propios veciños que siguen agardando unha solución que non chega” explica a voceira socialista, Patricia Boedo.
OUTROS ASUNTOS PARA O PLENO: TRANSPORTE ESCOLAR, GRAVAMES ENERXÉTICOS E DEFICIENTE XESTIÓN DA CONCELLEIRA DE CULTURA.
No pleno ordinario de setembro, o grupo socialista no concello de Arteixo presentaráN mocións para urxir ao goberno local e á Consellería de Educación a dar unha solución inmediata á absoluta descoordinación e descontrol do servizo de transporte escolar no concello e para a aprobación do establecemento de gravames de carácter temporal enerxético sobre os beneficios extraordinarios.
Tamén presentarán un rogo para instar á responsable de cultura do goberno local a asumir as súas competencias ante a deficiente dirección do seu departamento que según a voceira socialista “anuncia o festival de Sisalde só con catro días de antelación e nada se sabe áinda da “Feira histórica 1900”
