Levamos a pleno | Setembro 2022

A descoordinación do transporte escolar no concello, os gravames enerxéticos, as deficiencias da xestión da concelleira de Cultura, o deterioro do firme da rúa das Viñas e o desleixo do paseo fluvial do Rís Bolaños son os asuntos a tratar no pleno ordinario de setembro.

No pleno ordinario de setembro, o grupo socialista no concello de Arteixo presentará mocións para urxir ao goberno local e á Consellería de Educación a dar unha solución inmediata á absoluta descoordinación e descontrol do servizo de transporte escolar no concello e para a aprobación do establecemento de gravames de carácter temporal enerxético sobre os beneficios extraordinarios.

Tamén presentarán un rogo para instar á responsable de cultura do goberno local a asumir as súas competencias ante a deficiente dirección do seu departamento que anuncia o festival de Sisalde só con catro días de antelación e nada se sabe áinda da “Feira histórica 1900” e outro para que o goberno local proceda a arranxar con urxencia os problemas do firme tendo en conta que o grupo de goberno ten constancia da situación por unha comunicación transmitida hai tempo polos propios veciños que siguen agardando unha solución que non chega.

E preguntarán pola situación de desleixo do paseo fluvila do río Bolaños.

 MOCIÓNS EN DEFENSA DO ENSINO PÚBLICO E CONTRA AS AGRESIÓNS MACHISTAS E SUBMISIÓN QUÍMICA.

Neste pleno, os socialistas presentan unha moción en defensa do ensino público pedindo ao goberno  local que inste á Xunta de Galicia a asumir dunha vez por todas as súas responsabilidades e deixe de afogar económicamente co seu desleixo ás entidades locais que asumiron como propias as tarefas de prevención da COID19 nos centros educativos.

Na moción demandan tamén incrementar a dotación económica para os investimentos destinados á realización de obras nos centros educativos , incrementar o profesorado e o persoal do equipo de orientación e o número de docentes de Pedagoxía Terapéutica e Audición e Linguaxe , ou reconducir a xestión do transporte escolar  e establecer por parte da Xunta de Galicia a xestión directa dos comedores escolares como modelo de xestión prioritario, entre outras demandas.

A segunda moción que presentan os socialistas arteixáns insta ao Concello de Arteixo a condenar calquera tipo de agresión sexual e a utilización da submisión química con este fin e que se demande ao goberno galego a estender canto antes o protocolo do CHOU para detectar casos de submisión química a todas as áreas sanitarias de Galicia e desenvolver unha campaña de información nos centros hospitalarios e de atención primaria.

A moción tamén insta ao Concello a instalar Puntos Violeta nas festas da localidade, onde existian protocolos específicos para atender este tipo de situacións e a formar á Policía Local para atender as vítimas destas novas modalidades de agresións machistas; así como esixir protocolos de acceso máis estritos ás empresas organizadoras de acontecementos festivos, e ás salas de festa e discotecas para que se inspeccione a entrada de xiringas e realizar campañas de concienciación poñendo o foco nos agresores e guías de actuación para saber como actuar no caso de que aconteza unha destas situacións.