Un mes despois do grave vertido aparecido no Rañal, os socialistas arteixáns denunciamos ante o SEPRONA a aparación de ducias de troitas mortas na ría de Barrañán
Fai xusto un mes, o Grupo Municipal Socialista denunciábamos a aparición dun vertido no río Bolaños que acababa coa morte de centos de peixes na desembocadura no Rañal e poñía en risco a saúde dos centos de bañistas que visitan esa praia nos meses de verán.
Na visita
á zona afectada, o noso voceiro, Martín
Seco, profesional deste sector, detectou un forte olor a produto químico. Ante esta denuncia, inadvertida polo goberno
de Arteixo e a Xunta de Galicia, seguimos sen ter noticias por parte das administracións
que semellan descoñecer a orixe do vertido ou simplemente miran para outro
lado, esperando que a cidadanía esqueza o sucedido.
Na tarde
de onte o Partido Socialista foi advertido dunha nova aparición de ducias de
troitas mortas na desembocadura da ría de Barrañán, acudindo o concelleiro, Luís
Vázquez a zona afectada e denunciando a situación ante o SEPRONA, sen que dende
o Grupo de Goberno municipal e a Xunta de Galicia, gobernadas polo PP, volverán
a estar presentes.
Dende o Grupo Municipal do PSOE seguimos preocupados pola falla de control e inspección
por parte das autoridades políticas, do noso territorio e da falla de políticas
medioambientais que garantan a integridade do noso patrimonio natural e a
seguridade ambiental dos nosos veciños, despois dunhas eleccións onde recibiron
un forte apoio popular, que non vai a impedir que o Grupo Municipal do PSdeG-PSOE,
siga esixindo medidas para que estas situacións deixen de suceder impunemente.
Os
cidadáns debemos esixir das nosas administracións, que garantan a nosa calidade
e seguridade medioambiental, e a presenza de industria e infraestruturas no
noso territorio, debe de ser acompañada polo control e inspección do noso
entorno, para asegurarlle aos nosos veciños que viven nun lugar limpo e respectuoso
co noso entorno.