Preguntas sobre a falla de conservación situación das zonas de recreo
Ao
Grupo Municipal Socialista de Arteixo están a chegar continuas queixas sobre o
deficiente estado de conservación dos parques infantís, áreas recreativas e
paseo fluvial. A última é a referida á área recreativa do Seixedo onde, aínda
que este grupo o denunciara fai xa un tempo, seguen pechados os baños nestes
días de bo tempo e os elementos do parque biosaudable e os bancos aparecen
seriamente deteriorados.
O paseo fluvial ten frecuentes queixas do abandono na conservación dos
bancos, a falla de papeleiras (que en moitos casos aparecen no río ou están seriamente
danadas…), a falla de auga potable nas poucas fontes existentes e a reclamación
da cidadanía de dispor ó longo do paseo de máis fontes onde poder beber pois é
un lugar onde a xente pasea e fai deporte a cotío, máis bancos onde poder
descansar, sobre todo a xente maior que é asidua do paseo e algún baño público
onde poder realizar as necesidades básicas. Ademais sería desexable que se
aproveitara para poder instalar algún sistema de aluguer de bicicletas públicas
para poder percorrer os nosos paseos fluviais e marítimos.
Dende o Grupo Municipal Socialista botamos en falla un plan de
conservación e reparación das áreas de recreo do noso Concello. A veciñanza é
usuaria asidua deles e supón un punto de encontro e ocio interxeneracional que
debe ser preservado.
Dende
o noso Grupo Municipal desexamos preguntarlles:
- ¿Existe un plan de conservación e reparación dos espazos de ocio e esparcemento?
- En caso afirmativo, ¿por que non se está levando a cabo? Ou en caso negativo, ¿por que o departamento correspondente non ten elaborado un plan de conservación?
- ¿Estase a ter en conta a climatoloxía á hora de determinar cando se abren os baños da área recreativa do Seixedo e das praias?
- ¿Téñense establecido as actuacións a realizar en caso de vandalismo?
- ¿Teñen pensado instalar mías lugares de lecer, máis puntos de refresco e algún baño público no percorrido do paseo fluvial
- ¿Teñen pensando instalar un sistema de aluguer de bicicletas públicas nos paseos fluviais e marítimos do noso concello?
