O PSOE de Arteixo acusa ao goberno local de non executar os acordos do pleno para reforzar o servizo do Centro de Información á Muller

Martín Seco: “De pouco vale aprobar mocións nos plenos que despois non se executan”  

O grupo municipal socialista denuncia descoñecer as actuaciones realizadas  polo goberno municipal para executar a moción que presentaron no pleno de setembro  de 2023 na que instaban ao goberno local a reforzar o persoal asignado ao CIM de Arteixo e que foi aprobada por unanimidade.

O portavoz do grupo municipal socialista, Martín Seco, explica que ata 2016 o CIM de Arteixo contaba cunha directora, unha psicóloga, unha avogada e unha traballadora social asignada a este servizo. Desde o nomeamento da directora do CIM como coordinadora do departamento de servizos sociais, o centro conta cunha persoa menos para a atención dos usuarios, “unha situación que non foi corrixida nestes anos, xerando unha atención máis complexa e deficiente”.

A moción socialista insistía precisamente na necesidade de recuperar a independencia dos postos de directora e psicóloga, aumentar as horas de asistencia xurídica e de atención psicolóxica para menores así como a cobertura do posto da traballadora social asignada ao centro para ter unha mellor atención aos usuarios/as nun problema de vital importancia para a cidadanía.

Seco sinala que a atención do CIM de Arteixo é “totalmente insuficiente nun concello onde hai máis de 2.200 persoas usuarias do servizo” e explica que a avogada ten unha asistencia de 10 horas semanais, o servizo de asistencia a menores que sofren a violencia de xénero é de 3 horas semanais, e unha axente de igualdade que atende 10 horas á semana “e fai un pouco de todo ante o colapso do centro”

Según o portavoz socialista “o servizo está desbordado” porque ademáis agora asume a asistencia ás vítimas de violencia de xénero con cuestións esenciais como o trámite das axudas económicas para as vítimas, as solicitudes de mediación familiar, o reforzo académico dos fillos/as de vítimas e a tramitación de Atenpro, “cos etrasos inasumibles que acarrea”.

Para Seco, “de pouco vale aprobar mocions nos plenos que despois non se executan. Unha práctica habitual deste goberno local, así que demandamos saber se hai alguna actuación prevista para reforzar realmente o servizo en breve”.