O PSOE arteixán rexeita a instalación dunha terminal ferroviaria de mercadorías en Uxes

Os socialistas argumentan que non é o lugar idóneo porque estaría ubicada nunha zona inundable e moi preto dun núcleo de poboación importante.

O grupo municipal socialista presentará no pleno de novembro unha moción para que o concello de Arteixo envíe ao Ministerio de Transportes y Movilidad Sostenible a súa oposición á instalación dunha terminal ferroviaria de mercaderías en Uxes e o apoio á proposta realizada polo goberno local de Culleredo para a súa instalación na parroquia de Ledoño.

O Ministerio de Transportes y Movilidad Sostenible ven de publicar unha nota de prensa sobre o inicio dun estudo informativo para construír un ramal sur de acceso ao Porto Exterior de Langosteira e a posible construción dunha nova terminal de mercaderías en Uxes. 

Martín Seco, portavoz do grupo municipal socialista, explica que esta información colleu por sorpresa á veciñanza do concello de Arteixo que “non éramos coñecedores da posibilidade de que se instalase en Uxes esa infraestrutura” e considera que non é entendible que o goberno local de Arteixo tampouco tivese esa información “pese a ter a un dos seus concelleiros na dirección da Autoridade Portuaria de A Coruña, un estamento que si tiña coñecemento do proxecto”.

O grupo socialista presenta esta moción “para que poida ser aprobada por unanimidade porque é algo importante para a veciñanza de Arteixo”, en diferencia da presentada polo goberno local no pleno anterior que “só pretendía a confrontación gratuita co goberno de Estado e simplemente rexeitaba o modo de proceder do ministerio de transportes e do seu ministro, incluso con descalificacións personáis na liña habitual do alcalde”  explica Seco.

Para os socialistas de Arteixo esa estación de mercancías non debería de estar situada en Uxes, “porque estaría ubicada nunha zona inundable e moi preto dun núcleo de poboación importante do noso concello”,  e estiman que o axeitado sería apoiar a reivindicación realizada polo alcalde de Culleredo para a súa instalación na parroquia de Ledoño, no concello veciño.