1. Respectar á finalidade do grupo, evitando o envío do memes, vídeos, chistes, comentarios, etc. que non teñan nada que ver co traballo do Grupo Municipal nin da Agrupación. 

2. Non se permite o uso do grupo para envío de publicidade ou intereses particulares. Lembra que a nosa finalidade é o ben común do Concello de Arteixo e da Agrupación. 

3. Antes de enviar información, verifica a súa veracidade. 

4. Se tes dúbidas ou queixas, diríxete directamente á Administración do grupo, evita manifestalas nel. 

5. Síntete libre para silenciar ou marchar do grupo cando estimes oportuno, así como para volver a solicitar o ingreso nel. 

6. Para unha maior fluidez e dinamismo das conversas, debates, información, etc. utiliza a opción “respostar”. 

7. Están prohibidas as descalificacións, insultos e demais cuestións que atenten contra a dignidade das persoas, aínda que sexa de rivais políticos.

Trátase de realizar crítica política, ofrecer información útil para o Grupo Municipal e Agrupación, debater sobre cuestións políticas ou de servizos municipais, non de denigrar ás persoas. Lembra que criticamos a xestión non ás persoas.