O Grupo Socialista solicita o pago urxente do 2º prazo das becas comedor
O PSdeG-PSOE considera unha irresponsabilidade que a día de hoxe a xente non cobrara o segundo prazo das becas dos comedores escolares
Unha vez máis, e por enésima vez dende a súa implantación,
dende o Grupo Municipal Socialista temos que denunciar a falla de axilidade para o cobro das becas dos comedores escolares que ofrece o goberno do PP en Arteixo.
A día de hoxe a situación é a seguinte:
os usuarios que teñen concedida unha beca comedor para o curso pasado -2018/2019-
seguen sen ter pagado o segundo prazo de dita beca, á vez que xa finalizou o prazo de solicitude das becas do vindeiro curso 2019/2020.
O Grupo Socialista leva anos solicitando novas fórmulas para a concesión e pago dos servizos subvencionados, coa implantación de bonos -ou sistemas similares-
que permitan ás familias con dificultades
non ter que aboar cantidades por adiantado que, en moitos casos, lles son dificilmente asumibles. A resposta do goberno do PP, despois de moitas denuncias, foi implantar un pago fraccionado en dúas partes, pero faise difícil entender como a estas alturas
o segundo pago segue sen estar nos petos dos cidadáns que máis o necesitan, conseguindo que moitas familias teñan que renunciar aos comedores escolares por non ter capacidade económica para esperar tantos meses.
Martín Seco: “Se a Xunta de Galicia pode articular un sistema para que os cidadáns non teñan que adiantar as cuantías dos libros que subvenciona, o Concello de Arteixo, se lle preocupase a cidadanía con problemas económicos, tamén podería facer o mesmo coas nosas becas.”