O PSdeG-PSOE de Arteixo reitera as súas reclamacións con respecto á limpeza e adecuación dos camiños e estradas, especialmente na parroquia de Loureda.
Despois de escoitar a preocupación dalgúns veciños da parroquia de Loureda, volvemos a solicitar á Concellería de Medio Ambiente que acelere a limpeza das pistas desta parroquia e de todas as do concello, ao atoparse nunha moi mala situación para o tránsito dos vehículos e cun enorme risco de accidente. Situacións como camiñar ou andar en bicicleta son moito máis perigosas por mor do estado actual de pouco mantemento. Recordamos que as directrices da Xunta recomendan unha altura menor a 20cm aos lados das pistas.
