Despois de oito anos de abandono do goberno do PP de Feijoo, faise necesaria unha importante inversión en materia educativa no concello de Arteixo
No día de hoxe reuniuse o Voceiro socialista no Parlamento de Galicia, Xoaquín Fernández Leiceaga, o deputado coruñés Juan Villoslada, o responsable da executiva provincial do PSdeG-PSOE de A Coruña en materia educativa Antonio Álvarez e o Voceiro socialista no Concello de Arteixo, Martín Seco con membros da comunidade educativa local para falar da situación do noso concello e analizar as necesidades necesarias despois de 8 anos do goberno do PP de Feijoo na Xunta e a falla absoluta de inversión en materia educativa no concello arteixán, chegando as seguintes conclusións:
·
A situación nos centros de educación primaria e secundaria do noso concello, fan necesaria a construción dun novo CEIP e un Instituto de Secundaria que minore os problemas de masificación que teñen no CEIP Ponte dos Brozos, CEIP Arteixo e IES Manuel Murguía, podendo actuar na zona entre Lañas e Loureda como punto estratéxico para a colocación de ditas infraestruturas e dotando aos centros actuais con máis profesionais.
·
A necesidade de proxectar un novo mapa de formación profesional axeitada as necesidades laborais do noso entorno, convertendo o IES de Sabón nun centro integrado de formación profesional unicamente, que imparta educación en materias como o téxtil, a industria química ou a metalurxia.
·
A potenciación do uso das TIC na educación, exportando a experiencia do Proxecto Ponte dos Brozos, con especial atención a formación do profesorado e ao incentivo deste no uso destas novas tecnoloxías.
·
A problemática xurdida coas actuacións xurdidas neste curso escolar no IES Manuel Murguía fan necesario un cambio de actitude por parte da Xunta de Galicia para mellorar a cantidade de persoal que traballa neste centro educativo e a implantación de mellores sistemas de disciplina que non traten aos estudantes como delincuentes potenciais.