O PSOE de Arteixo esixe a dimisión ou cese de Victor Merelas como responsable de Medioambiente e a eliminación da súa dedicación exclusiva ademais dos criterios de Carlos Calvelo para darlle esta competencia e o plan de traballo desta Concellería para este mandato
INICIATIVAS DO GRUPO MUNICIPAL SOCIALISTA TRALA ENTREVISTA DE VICTOR MERELAS EN LA OPINIÓN O DOMINGO 23 DE AGOSTO:
O domingo 23 de Agosto saíu publicado nun medio escrito unha entrevista ao concelleiro delegado de Medioambiente e Disciplina Urbanística, na que amosaba un completo descoñecemento da área que representa e na que foi incapaz de plantexar as prioridades da súa concellería neste mandato. Este concelleiro goza de dedicación exclusiva dende o mandato anterior, incrementada ata os 30.000 euros no mandato actual, sen amosar o menor interese pola situación do noso concello na materia da súa competencia, na mesma entrevista o concelleiro queixábase da escasez de medios e persoal da súa concellería.
Ante esta situación, o Grupo Municipal Socialista ROGALLE:
- A este concelleiro que presente a súa dimisión do como Delegado de Medioambiente e Disciplina Urbanística e a renuncia a súa dedicación exclusiva.
- Ao alcalde de Arteixo que cese a este concelleiro nas súas competencias e elimine a partida asignada a súa dedicación exclusiva, utilizándoa para mellorar os medios e o persoal de esta concellería.
Ademais, dende o noso Grupo Municipal desexamos preguntarlle ao alcalde de Arteixo:
- ¿Cales foron os criterios para nomear delegado de medioambiente e disciplina urbanística a Victor Merelas?,
- ¿Cal foi o plan proposto polo novo grupo de goberno en materia de medioambiente ao inicio de mandato?,
- ¿É certa a falla de medios e persoal en este departamento?,
- ¿Por que non utiliza os 30.000 euros da dedicación exclusiva deste concelleiro en melloralas?
Para aqueles que non víchedes a entrevista, aquí queda o enlace: