Rogo e preguntas ao señor alcalde para a desafectación dos terreos expropiados polo proxecto das rotondas da AC-415
ROGO e PREGUNTA
Ante a pregunta presentada polo parlamentario socialista Pablo López Vidal no Parlamento de Galicia á Consellería de Infraestructuras pola situación do proxecto de seguridade viaria da estrada AC-415 de Coruña a Sabón, discurrindo polas parroquias de Meicende, Pastoriza e Oseiro que contaba inicialmente cun presuposto de máis de 1.500.000 euros. Ante esta pregunta, dita Consellería tivo a desfachatez de contestar, que debido a oposición vecinal non se chegou a expropiar aos veciños afectados, actuando só na adecuación do firme.
Tódolos membros desta corporación coñecemos que sí se procedeu á expropiación forzosa, tendo na miña propiedade unha acta deste procedemento de Xuño do ano 2007, pero a Xunta de Galicia non fixo nada por pagar ou desafectar os terreos que levan mais de 4 anos ocupados co perxuizo xenerado aos propietarios destes terreos que non pudieron contar con eles desde esta data.
Ante esta situación o Grupo Municipal Socialista rógalle ao señor Alcalde, que de inmediato, proceda a esixirlle á Consellería de Infraestructuras a desafectación dos terreos e que ditos fondos sexan utilizados para dotar unha partida económica para mellorar o tráfico rodado nestas parroquias afectadas por este proxecto.
Ademais solicitamos facerlle as seguintes preguntas:
·
¿É vostede coñecedor de cómo está a situación detes terreos?
·
¿Comunicoulle á Consellería de Infraestructuras a necesidade de desafectar estes terreos o antes posible?
·
Unha vez coñecidos os presuposto da Xunta para o 2012, ¿pensa solicitarlle que a Consellería destine estes fondos para as infraestructuras destas parroquias de Arteixo?